Thai Chiu (Graham Street)

星期六同朋友去中環行左成日再睇埋村上隆展，出到黎已經好攰好餓，朋友想食泰菜見到附近有間就衝左過去。打開menu好快就決定order個2人餐，呢個2人餐真係超抵食超飽，每人都係$150有找！不得不提中環店6月有週年優惠，夜晚6點後有7折，性價比超高！

泰潮海南雞
我自己個人偏向鍾意食雞脾，因為一直怕雞胸鞋口，但食左舊雞胸發現竟然唔乾，仲幾嫩！加埋必有既泰式海南雞醬汁，好好食。

泰潮海南雞

泰式黃咖哩豬頸肉
佢哋嘅黃咖哩係有小小辣，雖然辣但都依然食到有陣椰香味，豬頸肉易咬爽口，仲要佢個狀態岩岩好，唔會好水亦都唔會好杰，餸飯真係perfect！

泰式黃咖哩豬頸肉

冬蔭功湯
我同朋友都覺得好好飲而且好足料！我哋都唔鍾意偏酸嘅冬蔭功，而佢呢個正正係不偏酸但有啲辣。

冬蔭功湯

泰式炸蝦餅拼春卷 
炸物通常都係一段冇咩特別，但出奇地炸得超好食！個炸蝦餅好厚肉，春卷超脆，真係冇誇張！朋友一咬勁脆勁大聲！

泰式炸蝦餅拼春卷

泰式青木瓜絲沙律
同冬蔭功湯一樣都係偏辣唔係偏酸，都幾清新好食。