樺得園 (Closed)

結論: 幾抵食不過食物普通，唔洗專登去試最近網上見好多人推介呢間餐廳嘅burger，早幾日放假專登去一試究竟，雖然冇話好失望，但食物的確係比較普通，冇乜特別。叫左個夏威夷漢堡(跟餐有一個小食同飲品)，100g嘅牛肉漢堡唔會好乾，但亦都冇乜牛味，不過勝在有塊菠蘿中和下冇咁漏。另外佢嘅包係自家製，食落比平時甜少少，不過冇話令整體味道有所提升。小食叫左炸洋蔥圈，不過略嫌炸粉有啲厚。價錢都算抵，3樣嘢加埋都唔洗100蚊，如果經過可以去試下，不過就唔需要專登去九龍城試啦。