小辣川

Open Now

Now Closed

最近新搬左去柴灣區, 周圍發掘下有咩好食, 原來好多人都會去漁灣街市樓上既熟食中心搵食, 一樓有好多間熟食檔, 早午餐有茶記同粥粉面, 晚餐就係小菜大排檔同火鍋等等, 早幾日夜晚就去左依度食左間任飲任食打邊爐, 有雞煲、烤魚、牛雜鍋及火鍋選擇, 揀好左食邊個煲之後, 食夠就可以任食其他配料打邊爐我地叫左B餐川味重慶雞煲, 有麻辣同醬香兩種味道可以揀, 叫左個麻辣味小辣, 好快趣個雞煲就送到黎, 本身雞肉已經係半熟, 店員話先煮滾大約5分鐘左右, 拌勻煲內醬汁就食得啦每件雞都沾滿哂醬汁, 味道非常濃郁, 雞肉入口幾嫩滑肉厚, 又唔會太過肥, 個汁直頭可以配個白飯食, 食到差唔多無哂雞, 可以再叫店員加雞, 前後食左兩轉雞, 超正! 煮得耐左個汁會更濃, 我地就另外加左水沖淡返少少, 個味道就剛剛好了, 食到夠為止先至加湯或水變打邊爐啦火鍋配料係出去任夾, 菜都幾多選擇, 另外仲有芝士腸、丸類、午餐肉、牛柏葉、肥牛、豬肉片、蜆同蝦蟹等等任食, 材料都係正常發揮, 以依個價錢可以食埋海鮮, 其實真係無可挑剔, 本身食完個雞煲已經半飽左, 但雞煲原先個醬汁用黎打邊爐真係夠哂味, 完全唔洗再點豉