好一鍋海鮮火鍋專門店 (Closed)

今晚收工自己一個行咗一陣街，有啲肚餓就約埋同事喺附近打邊爐，本身都冇乜心水，但知道佐敦呢個大廈有幾間任食火鍋，就膽粗粗上咗8樓試下，我哋差唔多九點先去到，但係都仲要等位，不過因為我哋只係兩個人基本上都好快，等左一兩張就到我哋。首先佢個火鍋湯底，因為我哋只係兩個人只可以揀一種款，兩個人以上就可以揀鴛鴦。。我哋就揀咗胡椒豬肚湯底，超香同濃郁因為佢入面都有黑椒，如果食到少少辣嘅朋友絕對推介食呢個湯底必食推介，手切肥牛，炸魚皮佢仲有是日精選海鮮，會根據每晚唔同而比海鮮你，今晚就係海蝦同埋大蜆，每人都只係百幾蚊，抵食