最近同朋友去咗 茶記研究所 Cha Kee Lab 食晚飯，啱啱新裝修完，環境清新光猛，坐得好舒服，感覺有啲新派茶餐廳嘅味道。
我哋嗌咗個晚市二人餐，性價比高，只需$168，有齊：
一碟炒時菜（我哋叫咗馬拉盞炒時蔬，辣度啱啱好，炒得香口，菜保持爽脆，送飯一流）
兩款主菜
兩碗中湯（當晚係瘦肉紅蘿蔔湯，味道清甜，無味精口感）
兩杯飲品
兩碗糖水（紅豆沙，夠綿密，唔會太甜，食完正好清一清味蕾）
主菜方面：
半條鹹鮮黃花魚蒸肉餅：魚肉鹹香入味，配埋手打肉餅一齊蒸，啖啖肉香，鹹香味滲入飯度，幾有阿媽煮飯feel。
菠蘿咕嚕肉：選用加拿大無激素豬梅肉，炸得外脆內嫩，酸甜醬汁掛得勻，加埋新鮮菠蘿，成碟菜食落幾開胃。
整體嚟講，Cha Kee Lab 呢個晚市套餐真係抵食又有質素，餐廳環境乾淨企理，有番茶記應有水準但又唔會太舊式。之後都會再返嚟試其他款式。
27
