泉記金喜來海鮮飯店 (Closed)

星期五約埋成班同事黎呢到試下新野聽講$150/位食海鮮打邊爐，我地大約7點黎食, 有好多海鮮選擇，有三點蟹 、石蟹 、花甲 、 青口、帶子、扇貝、蟶子……多到寫都寫唔晒，而基本打邊爐既肥牛、丸類、好多菜、豬肉雞子……咩都有得打咁濟~~我地叫左個鴛鴦煲，一邊係清湯一邊係沙爹湯底，沙爹湯底唔辣但好香，用黎打邊爐D野食好入味，好正~不過海鮮類就好壞參半，蟶子粒粒都有沙, 鱔/魚類好重腥味，花甲類要靚既可以好鮮甜，不過有D唔靚既都好多沙, 反而青口好大隻又無沙，而瀨尿蝦用黎打邊爐都好好食，三點蟹雖然無咩肉食, 但係好鮮甜。食到一半仲有有同事搵到有泥鯭, 成條泥鯭打邊爐原來又幾好食, 無咩骨啖啖肉~D丸類非常好食, 墨丸 同魚蛋好彈牙，完全唔係個D雪左好耐硬生生既仲有墨魚仔同魷魚好爽滑，食左好多都好好食~最後因為我地個湯底放左好多海鮮，最後落菜既時候D菜吸收晒海鮮湯底既鮮甜，非常好食~而且D 菜好靚，特別係菜心苗，細細條又翠綠又爽口~ 呢到既汽水啤酒任飲, 仲有雪糕食, 仲要推介既係熟食，雖然熟食唔多款，不過一定要食辣汁瀨尿蟹同東風螺 ，佢既辣汁係香辣既, 非常惹味~~~加插一句，~~呢到任食任