燒烤堂

Open Now

Now Closed

燒烤堂食物質素高而且價錢實惠，係唔少人不斷回訪即串燒名店🤑佢地近來係荃灣開左最新分店，地點係楊屋道體育館附近，新界西朋友們又有口福喇！荃灣店裝修比其他分店更帶高級感，而且每枱備有小爐可以幫串燒保溫，好貼心。點餐紙同樣寫上滿滿串燒種類，亦都見到幾種其他分店無既item，性價比超級高🥰Sapporo生啤買一送一優惠荃灣店繼續有，酒鬼係時候朝聖喇🍻🔸厚切鹽燒牛舌拖羅牛舌口感柔軟，用簡單鹽燒已經帶出濃香，亦附上一片檸檬解膩，必點🔥🔸 汁燒免治雞肉軟骨棒（付月見）串燒店必點，雞肉同軟骨比例剛剛好，口感柔軟帶咬勁，燒過後充滿肉汁好好味！🔸鹽燒豚肉無花果卷第一次見既新品，無花果加入串燒比較少有😍無花果甜度高但保持清香，配上豚肉油香剛剛好！🔸雞皮墨魚滑其中一款必食推介🎖️雞皮非常薄身，燒過後完全無油膩感，再包住彈牙墨魚滑，兩款食材真係絕配🥰🔸燒萵筍伴蟹膏萵筍片上塗上滿滿蟹膏，濃濃鮮味同清新草青味估唔到咁夾🔸香辣雞腿根雞腿根燒香後口感彈牙，調味帶孜然香，送啤酒就啱哂喇