滿小館 (Closed)

蕃茄都可以做甜品？真係可以🌝.一開始喺Menu嘅第一版，見到冰鎮荔枝西紅柿🍅，以為係前菜，叫完之後食晒主菜之後都冇上菜，諗諗吓其實佢係咪甜品呢？🤔原來真係🤣，車厘茄🍅好甜，剝晒皮，加埋荔枝，成為左一個幾fresh嘅甜品，另外仲叫咗桂花紅酒雪梨🍐，賣相幾靚有酒香🍷，不過如果啤梨住得再淋啲，相信會更好食.冷盤叫咗川味口水雞🐔同酒釀醉蝦🦐，兩樣食物都浸得好入味，蝦仲要係大大隻嘅河蝦，啖啖肉.熱葷就叫咗三味叉燒🥓，有原味蜜糖🍯、柚子🍊同和風三種口味，而三種叉燒嘅肉質都唔同，有啲瘦啲，有啲係半肥瘦.見到有個菜名好靚，叫做鳳凰玉帶，其實係類似墨魚餅加上帶子，外型幾精緻😆