WoMei Cuisine

喺荔枝角地區返工。基本上所有餐廳都食過晒，今日下午茶時段去新開既粵菜館食野。

下午茶，好抵
$26.8 有兩碟

我點左A+C組合再加一個香煎蘿蔔糕

A. 花菇滑雞飯
五肉一菇，裝到滿晒，食完已飽飽地

C.排骨蒸腸粉
四舊排骨，五條白滑無餡腸粉仔。腸粉好白好滑，我叫姐姐拎上一碟豉油加甜醬。非常正！

無諗過甘幾蚊已經食飽左我。
食飽咗見到咁厚身煎香表皮既蘿蔔糕都係要食兩啖先。

香煎蘿蔔糕

一咬開原來係有臘肉蝦米。臘肉嘅味道令咁厚身既蘿白糕口感變得好豐富，唔點醬都好好食

最後，因為太飽都係打包左回公司

加埋茶水，埋單$51 。勁抵食！