Ask (Moved) New Location

餐廳樓底高，落地大玻璃透光度十足，坐得好舒適，店員態度親切☺️Tea set 1500-1700和風沙律西柚汁 $48 完全估吾到係咁大碟😳 好多蟹柳絲！沙律菜好新鮮, 加埋蕃茄仔同粟米, 健康之選👍🏼香草雞翼 $40 ，四隻，炸得金黃色、脹卜卜，吾油膩，好香口，吾錯呀！ 飲品方面，揀左hot latte $36 , 我問咖啡師可吾可以整圖中既小象拉花，最後係整左比我，實物同圖片一樣咁可愛！開心相機食先😁 味道就比較濃。碟豆花柚子芒果梳打 $35 顏色上配搭得好靚！😍層次分明，吾會太甜，好飲呀，而且大大杯，幾抵飲👍🏼是日蛋糕 $38 揀左熱情果同tiramisu, 賣相精緻、吸引，特別係熱情果那個。熱情果味微酸，作為蛋糕食多兩啖都吾怕膩。 tiramisu 上面果朵小花好甜美，味道幾濃郁，配咖啡食特別夾。