海港酒家 (Closed)

今日去咗將軍澳海港酒家飲下午茶。海港酒家而家幾間分店都裝修得好靚，坐落去食嘢都覺得高級左好多。下午茶時間都唔算好多人，唔需要等位。而且下午茶特價點心都有好多款，都算平。黑金流沙包，平時喺中點，依家9.8好抵食。唔理佢好唔好食淨係個賣相已經贏晒。 包皮黑色，係芝麻味。不過略嫌厚咗啲，所以入面流沙嘅餡比較少。蔥花炸両腸，12.8。炸両好脆，唔算好熱但係都暖。韭菜餃。 12.8。入面蝦多過其他餡料 。牛肉球。8.8。咩都唔使講，見到呢個價錢點都要叫。蟹籽燒賣王。4粒都係9.8。棉花雞同鳳爪賣相唔好。又唔好食。下次不會再叫。另外我哋仲叫咗碟乾炒牛河，夠獲氣，唔算好咸，啲牛肉片都算多。