日木三分車仔麵 (Closed)

遲食lunch嘅好處係可以食到下午茶，呢度2:30後有下午茶，3個餸包嘢飲都只係$38，仲要暫時堂食外賣都有9折，即係$35一餐，好抵食！呢度個湯底可以揀加腩汁同辣度，仲有唔同麵類同配料，都真係好多選擇，有雞翼、丸類、蔬菜類等等，不過因為下午茶只可以揀三款，所以其他下次再食。雞翼尖冬菇生菜米粉湯底好濃味，雞翼尖好多隻又好入味，仲煮到好腍；冬菇雖然有菇味但係太甜，食到用糖煮嘅；生菜正常無特別，不過份量真係好多。食果時記得加埋炸蒜同櫻花蝦一齊食。