象泰 (Closed)

今日介紹呢間餐廳位於屯門雅都商埸，平日下午茶時間一個下午茶餐$34-38到包埋飲品，雖然是下午茶不過份量絕對唔少。 有飯同粉麵可供選擇，如果想飲椰青加$20，家人飲完話好清甜，椰水好飽滿。 我呢碗係泰式牛骨湯底，湯底完成唔油膩，湯底味道好香，食完又唔會覺得口渴，豬頸肉醃得岩岩好，唔會重咸味，豬頸肉是厚厚的，口感好好。 另外，我地追加左小食炸蝦餅$38，味道有驚喜，蝦餅肉質紮實，又鮮味彈牙，我地一致讚好。