食遇上海料理

最近去咗網友介紹嘅新北江商場  "食遇上海料理"，價錢和食物都很大眾化，雖然座位不多，但食物質素唔錯，就決定食呢間試一試啦。

5

上海排骨擔擔麵     $45
擔擔麵份量都唔少，麵質柔軟帶麵粉香，擔擔肉醬好香甜，呢個份量兩個人share就啱啱好喇。排骨炸至金黃，口感酥脆，外層粉漿唔會太厚，內裡唔乾身，食落好香口。

上海排骨擔擔麵

$45

菜肉雲吞擔擔麵    $45          
上海菜肉雲吞比廣東雲呑較為大隻，呢度啲雲吞餡料滿滿，肉味鮮嫩多汁，菜亦都好新鮮，這碗同樣係擔擔麵湯底，濃郁花生味、肉碎、蒜蓉同蔥花，口感特別豐富，層次增加。可自由揀選辣度、花生湯底、麻辣湯底或加錢轉粗麵/年糕。

菜肉雲吞擔擔麵

$45

花雕醉雞    $46
呢碟以嫩滑嘅雞肉醃製係花雕酒中，帶嚟酒香撲鼻嘅獨特風味，雞肉吸入咗花雕酒，入口滑嫩同時又帶有微微嘅酒香味道。

花雕醉雞

$46

上海小籠包    $32
依間嘅小籠包係即叫即蒸，熱辣辣嘅上海小籠包，原汁原味，新鮮滿滿嘅餡料，湯汁好足料，一唔小心就會溢出嚟，充滿肉味，味道香濃好鮮甜。

上海小籠包

$32

黑豆漿    $12     白豆漿    $12
無論黑豆或黃豆，兩款豆味都係濃，甜度適中，只係少少甜，飲起嚟順口。