上海老家 (Closed)

係附近工作完，過左黎大角嘴呢邊搵下野食，大角嘴一向多美食選擇，呢間上海老家有種傳統中國裝修味道，門口掛左兩個紅燈籠，仲有好大個招牌。炸饅頭係我食上海菜必點既前菜，沾練奶食，一個人可以食晒三個饅頭。想食涼伴小菜，揀左萵筍海哲，萵筍佔既份量比較多，好重麻油香，口感都幾爽口。主食點左蔥爆牛肉同埋酸辣湯拉麵，牛肉炒到剛剛好，好嫩，同埋啲牛肉有陣牛香味，搭左大量大蔥一齊炒，好香。而個酸辣湯拉麵，份量比我想像中多，適合兩個人食。