江浙滬 (堪富利士道) (Closed)

今日約咗朋友去上海餐廳江浙滬食lunch，餐廳位置方便，離地鐵站不遠容易搵。上到去見到店內外裝飾古色古香，好有feel。價錢幾抵食，新開張做緊九折優惠，全日免茶芥，午市套餐50至60蚊，就包主食，一個點心或甜品，及一杯餐飲。我哋今餐大魚大肉，有烤麩，松子魚，花雕醉雞，嫩雞煨麵及上湯浸菜心。最喜歡吃松子魚，好耐冇食過啦，松子魚起曬骨啖啖肉，配上酸酸甜甜嘅醬汁，好開胃。飲品選咗熱檸檬薏米水，唔太甜，薏米味濃郁，有清熱美白嘅功效，健康又美味。