Shanghai Lane (Gough Street)

朋友嚟中環做開嘢, 相約一起晚飯, 唔想同人迫, 行上少少食上海嘢, 傾到計又抵食. 兩個人本來話食少D當keep fit, 點知叫叫吓都叫咗唔少嘢....脆皮素鵝, 回鍋肉炒年糕, 煎餃, 醉雞同荳沙鍋餅...果然天生餓底!

脆皮素鵝 ($58), 即叫即煎, 嚟到熱辣辣, 皮香餡爽口, 蘿蔔絲, 冬菇絲, 雲耳絲清甜爽口, 一D都唔肥膩.

回鍋肉炒年糕 ($89),  豆瓣醬味道濃郁, 五花腩肥瘦適中, 我就最鐘意個年糕啦, 咬落煙煙un un, 十分惹味.

煎餃 ($38), 呢度最好係樣樣食物都夠晒熱, 煎餃又係熱辣辣上碟, 肉質嫩滑帶有肉汁, 餃子皮底亦煎得香脆可口.

醉雞 ($75), 涼涼嘅醉雞肶咬落啖啖肉, 帶點微微紹興酒香, 食食吓又KO咗成碟.

荳沙鍋餅 ($40), 份量十足嘅荳沙鍋餅, 厚厚荳沙蓉, 甜度剛好, 餅皮煎得剛好, 十分香口.

另外一提, 呢度嘅服務員十分友善, 令人感覺好似當我哋係熟客咁招呼, 又不時幫我哋添茶, 不失為聚餐好地方.