Video
Read full review
2009-05-05
29 views
前幾天有會員朋友說『再平也不會來』，可能這位朋友對食真的抱著太高要求；亦有朋友提過『衛生不得忍受』，不過我又唔係太覺咯；更有會員朋友說『不知所謂』，因為服務太差，這個point反而贊成，因為真的太少服務員了，忙到根本沒服務員招呼可言。不過如果好似我呢D『大件夾抵食先決』的，這間餐廳絕對岩我喇。1930在北角收工，趕入去荃灣，就是為了朋友替我慶祝生日，雖然距離真的很遠，但有好野食，走幾遠都值得。因為朋友已吃了多次，所以對他們來說已沒甚驚喜，不過對我未吃過的，就真的非常驚喜了。 煙三文魚，切得夠薄，唔錯，比酒店自助餐還好味 青口焗海鮮飯，用鐵板上，朋友讚不絕口，其實都算好味，但我就覺得普通左D，不過廿幾有咁大隻青口而且係炒底，已經好唔錯 蒜蓉焗田螺，只售二十蚊；非常抵食，下頁有會員話蒜蓉配料太多蓋過田螺味，咁我又唔覺喎.......... 辣肉腸pizza，這個pizza雖比Pizza Hut少饀料，不過食起上黎味道仲好味過Pizza Hut 的。 蒜蓉焗青口，其實味道和青口海鮮焗飯果隻青口好似，不過都OK。 只售十蚊的抹茶雪糕，亦是一個驚喜，本以為只係雪糕一舊，不過食落口好重抹茶味之
1930在北角收工，趕入去荃灣，就是為了朋友替我慶祝生日，雖然距離真的很遠，但有好野食，走幾遠都值得。因為朋友已吃了多次，所以對他們來說已沒甚驚喜，不過對我未吃過的，就真的非常驚喜了。
煙三文魚，切得夠薄，唔錯，比酒店自助餐還好味
青口焗海鮮飯，用鐵板上，朋友讚不絕口，其實都算好味，但我就覺得普通左D，不過廿幾有咁大隻青口而且係炒底，已經好唔錯
蒜蓉焗田螺，只售二十蚊；非常抵食，下頁有會員話蒜蓉配料太多蓋過田螺味，咁我又唔覺喎..........
辣肉腸pizza，這個pizza雖比Pizza Hut少饀料，不過食起上黎味道仲好味過Pizza Hut 的。
蒜蓉焗青口，其實味道和青口海鮮焗飯果隻青口好似，不過都OK。
只售十蚊的抹茶雪糕，亦是一個驚喜，本以為只係雪糕一舊，不過食落口好重抹茶味之餘又唔太甜，而且雪糕內冇雪粒，食夠兩個都仲得。
唯一一樣較貴的就係Asahi細支啤酒要$13一支，不過係水貨日本貨，一隻中文字都冇的，可能咁成本貴左掛......
食物及價錢真的一流，這兩項係可以比哈哈笑的，但這店幾乎毫無服務可言，及地處染廠大廈真的『隔涉』一點，所以整體上只可以比OK。
Post
