二少廚房 (Closed)

週末都係懶煮飯，所以又落樓下買外賣返屋企睇電視😆見到二少廚房有燉湯，即係心心眼，因為我真係好鍾意飲湯😝仲有我女最鍾意嘅手撕雞，所以就決定呢間！佢本身餐牌選擇好簡單，有4款手撕雞套餐，每款加多十幾蚊就有個燉湯 (total $70)，超值！所以我就order左兩款手撕雞飯(日式芝麻醬、麻辣）加兩個燉湯 (花膠雞湯、蟲草花雞湯)，仲有兩碗涼粉送🥰外賣盒都整齊，分上下格裝餸、飯，醬油都係分開盛裝唔錯。首先講吓啲雞，無咩皮同好似雞髀肉好滑，感覺健康，加上都有唔少生菜，超喜愛👍🏻我女就撈晒所有日式芝麻醬，份量啱啱好。而我就無放哂麻辣醬因為驚太辣，但點雞食又真係好香麻香好正，只係點就唔會太辣。而兩個湯都好香雞味，分別都有雞件、雞腳食(好淋好入味)，湯料好足夠，花膠都算大隻，飲完一啲都唔口喝，證明真材實料👍🏻同埋都算大碗，用個大杯裝住👌🏻個涼粉大大粒，好爽口，唔太苦，加埋少許淡奶糖水，味道剛剛好！作為完美嘅句號👍🏻