黃枝記 (Closed)

星期六睇戲前先吃個下午茶。我雖然係茶餐廳粉絲, 但有時都想轉下口味, 轉下台吃我的Comfort Food雲吞麵。人在銅鑼灣, 心目中只有麥奀或黃枝記。最終後者跑出因為它們供應下午茶。粗略一看餐牌, 粥粉麵飯乜都齊, 價錢由入門 $35 –殿堂 $50雲吞麵 (細蓉) 加熱飲或凍飲 $35雲吞麵和熱奶茶差不多時間上枱, 由於枱太細所以同一時間放多小小野已經覺得好迫, 加上繁忙時間要搭枱, 但我唔仲意搭枱, 但最重要河水不犯井水。細蓉以麵蓋頂雲吞墊底而麵份量和平時單點相約, 沒有因為下午茶而減小。麵不夠幼細, 爽口度一般冇鹼水味。雲吞賣相唔太靚仔, 明顯看到有筲箕紋。蝦肉的口感不俗, 爽口新鮮，湯底清而鮮。熱奶茶質感略為鞋口, 茶色深, 茶味濃但澀。當然不能和茶餐廳出品媲美, 以銅鑼灣區 $35有麵有飲品也吃得滿足已經合格。