Video
Read full review
2014-07-08
5560 views
Day Off,同男友行街經過見到呢間,上openrice了解下見到評價好壞參半,但因為標明"不限時放提,酒水任飲",於是去試下,結果比預期中好好多!上到去見星期一都幾多人等位,好彩6點鐘,時間仲早好快有位個環境都幾舒服,係略嫌d枱有d迫同細先黎會有侍應介紹落單,又會有個刺身先醫肚,略帶一提d刺身都等得幾耐,但都有侍應好細心咁提我地要等10分鐘到!咁由於生既野食制作要d時間,唯有叫住d熟既食下雖然個餐牌都幾多野食,有串燒啊,炸野啊,一品料理啊咁,連火鍋都有!但其實我同男友既食量都唔算大,所以選擇左d睇落去比較吸引既試下好搞笑,反而要煮既佢地又黎得好快手,仲要係熱辣辣,唔係凍架wo!先試左個蟹子沙律,芝士蠔,同雞串蟹子沙律 : 普通沙律一個無咩特別芝士蠔 : 呢個值得講下!推介!首先佢d蠔唔算太細隻,焗既時間啱啱好,唔會食落"鞋拾拾",但其實好重沙律醬味,反而就少左芝士味,不過總括黎講係好食既,所以之後都仲keep住有叫黎食!雞串 : 燒汁味好重,唔會好乾身,都幾好食之後又點左個蝦餅,和牛粒,鴨胸,墨魚仔同金菇牛肉卷蝦餅 : 有d油,但炸粉唔重,唔會食完好漏好滯和牛粒 : 另一推介,雖然
Day Off,同男友行街經過見到呢間,上openrice了解下見到評價好壞參半,但因為標明"不限時放提,酒水任飲",於是去試下,結果比預期中好好多!
上到去見星期一都幾多人等位,好彩6點鐘,時間仲早好快有位
個環境都幾舒服,係略嫌d枱有d迫同細
先黎會有侍應介紹落單,又會有個刺身先醫肚,略帶一提d刺身都等得幾耐,但都有侍應好細心咁提我地要等10分鐘到!
咁由於生既野食制作要d時間,唯有叫住d熟既食下
雖然個餐牌都幾多野食,有串燒啊,炸野啊,一品料理啊咁,連火鍋都有!但其實我同男友既食量都唔算大,所以選擇左d睇落去比較吸引既試下
好搞笑,反而要煮既佢地又黎得好快手,仲要係熱辣辣,唔係凍架wo!
先試左個蟹子沙律,芝士蠔,同雞串
蟹子沙律 : 普通沙律一個無咩特別
芝士蠔 : 呢個值得講下!推介!首先佢d蠔唔算太細隻,焗既時間啱啱好,唔會食落"鞋拾拾",但其實好重沙律醬味,反而就少左芝士味,不過總括黎講係好食既,所以之後都仲keep住有叫黎食!
雞串 : 燒汁味好重,唔會好乾身,都幾好食
之後又點左個蝦餅,和牛粒,鴨胸,墨魚仔同金菇牛肉卷
蝦餅 : 有d油,但炸粉唔重,唔會食完好漏好滯
和牛粒 : 另一推介,雖然份量次次都少左d,但少食多滋味!和牛夠軟身,無騷味,一個字正!
鴨胸 : 又係普普通通,係估佢唔到係冷盤
墨魚仔 : 好有咬口,落左少少醬汁,男友好鐘意食
牛肉卷 : 肥牛都多筋,但唔難咬,較淋身
再黎有青酒煮青口同燒多春魚
青口 : 係第3推介,清酒味呢就少少啦,但青口就夠大隻,一份個份量又夠多,用黎送酒一流
多春魚 : 唔係燒到又亁又硬個種,鐘意加d檸汁食,又係送酒一流
食食下d熟既d生既都到啦
8款刺身點齊晒,全部都幾新鮮!
比較鐘意食三文魚,象拔蚌同白玉豚
白玉豚好特別,出面好少見第一次食,有d微酸,幾好食
卷物壽司食左少少,已經唔記得影相
不過對比其他放提食既壽司
呢間買相同味道都算比較好!
甜品得3款咋,不過有我最鐘意既泡芙!
可以不停re order,真好!
埋單盛惠200蚊,呢個價錢不限時,對比野食環境唔差,清酒梅酒任飲都算係抵食,下次再黎!
Other Info. :
順提服務良好,員工有禮貌,"唔該"同"多謝"係我成晚聽得最多既!
有漏單好有耐性幫我跟足!
其實一分錢一分貨,有時食既就係服務,服務好食都食得開心d! :']
(The above review is the personal opinion of a user which does not represent OpenRice's point of view.)
Post
