MX (馬頭涌道) (Closed)

近日流感非常之勁，覺得有少少感冒，即刻走去睇返個醫生，睇完醫生之後唔知食啲咩好，個人口淡淡，經過MX，記得以前成日食佢嘅燒鴨瀨粉， 20幾蚊，好抵食，一於去重拾返以前嘅回憶！去到俾錢嘅地方，同店員講話要一碗燒鴨瀨粉，但係已經冇晒瀨粉，得返米粉，雖然有少少失望，但係米粉都幾好食嘅！用支付寶俾錢，我入邊有張$3 coupon，呢個餐加一杯熱嘢飲都只係$29 ，減咗$3之後，即係$26就有一碗熱辣辣嘅燒鴨米粉加一杯熱嘢飲，超級無敵十分之抵食呀！到我拎嘢食嘅時候，望到碗米粉，開心到飛起，因為原來斬料哥哥俾咗一隻鴨脾我，大大隻，更加抵食！