潮洲滷 (Closed)

一向在灣仔上班，不時到街市買生果。雖然近在咫尺，但好少行呢條行。今日行一行過，原來有間咁平既潮州野。好多鴨鴨鵝鵝掛晒起玻璃前，可以夜晚加餸，又可以買外賣做lunch。一望，嘩嘩嘩嘩嘩!!!!!!!!!雞髀飯包飲品做22蚊，平到痴左線，平過食燒味飯。三人行決定買買一試，由於三人吃不多，叫兩個飯盒再加餸😬。鵝飯，雙併飯，加雞髀豆腐。所有肉類都好入味好夠味，相反豆腐，蛋等就淡少少，早和返濃味肉。鵝飯包豆腐同蛋，正。菜都有好幾條，唔慳皮。雙併腩肉加豬大腸，份量大，非常足。加隻雞髀差d就食唔晒。醋味好香，點潮州野一齊食一流。飲品就包維他檸檬茶，唔岩就揀水囉，幾好。在灣仔難得一間又平又靚又正既精選飯店。