Video
Read full review
2020-10-08
6865 views
早幾日喺YouTube見到有人食過呢間餐廳，幾十蚊嘅一個semi-buffet，竟然仲會包任飲紅酒同白酒，我同朋友見咁抵，特登搭車嚟試吓，睇吓虛實入到餐廳，第一個感覺係空間感很大，同朋友坐低慢慢食最啱再睇睇餐牌，選擇認真唔少，有最平嘅淨沙律吧$88，再加多$10起就會有主菜，今日我同朋友叫咗一個黑椒牛柳絲炒意粉，再叫了一個希臘風味烤春雞配檸檬汁叫完主菜即刻出去睇吓有咩食先，沙律吧有唔同嘅配料，有最基本嘅蕃茄仔粟米，都特別一點嘅雲耳，麻辣蓮藕，同橄欖都有齊餐廳注重衛生，所有拎食物嘅客人，都必須要佩戴口罩另一邊有唔同嘅沙律菜，洗得好乾淨，咬落好爽脆，望落同識落都感覺新鮮仲有唔少沙律，包括有一啲已經調好味道嘅長通粉沙律同薯仔沙律，薯仔沙律烹調得恰到好處，薯仔唔會過淋，但食落又帶有一種軟綿綿嘅口感自製嘅沙律竟然有四款醬汁任選未食主菜，已經捧咗一大盤沙律返位食，拎咗少少芝士玉米片試吓，口感香脆，玉米味濃郁沙律吧仲有餐湯，今日係南瓜湯，口感順滑，每一啖都可以輕嚐著鮮甜嘅南瓜自助餐枱的另一邊，擺着紅酒同埋白酒，真係比客人任飲，呢個價錢，連紅白酒都任飲，真係算超值。食咗唔少野，撐住個肚都仲要食主菜，呢
入到餐廳，第一個感覺係空間感很大，同朋友坐低慢慢食最啱
再睇睇餐牌，選擇認真唔少，有最平嘅淨沙律吧$88，再加多$10起就會有主菜，今日我同朋友叫咗一個黑椒牛柳絲炒意粉，再叫了一個希臘風味烤春雞配檸檬汁
叫完主菜即刻出去睇吓有咩食先，沙律吧有唔同嘅配料，有最基本嘅蕃茄仔粟米，都特別一點嘅雲耳，麻辣蓮藕，同橄欖都有齊
餐廳注重衛生，所有拎食物嘅客人，都必須要佩戴口罩
另一邊有唔同嘅沙律菜，洗得好乾淨，咬落好爽脆，望落同識落都感覺新鮮
仲有唔少沙律，包括有一啲已經調好味道嘅長通粉沙律同薯仔沙律，薯仔沙律烹調得恰到好處，薯仔唔會過淋，但食落又帶有一種軟綿綿嘅口感
自製嘅沙律竟然有四款醬汁任選
未食主菜，已經捧咗一大盤沙律返位食，拎咗少少芝士玉米片試吓，口感香脆，玉米味濃郁
沙律吧仲有餐湯，今日係南瓜湯，口感順滑，每一啖都可以輕嚐著鮮甜嘅南瓜
自助餐枱的另一邊，擺着紅酒同埋白酒，真係比客人任飲，呢個價錢，連紅白酒都任飲，真係算超值。
食咗唔少野，撐住個肚都仲要食主菜，呢個黑椒牛柳絲炒意粉，牛肉肉質比較嫩滑，淡淡的黑椒昇華了牛肉本身的肉味，黑椒同牛肉本身就是絕配
意粉炒得夠煙靱，好有口感
另一個主菜，叫咗烤春雞，用香草燒到外皮香脆，但火候操控得不錯，咬開之後，吃到的仍然是有肉汁的雞肉，真正做到外脆內嫩好香口
食到呢一刻，點都要留返少少位食甜品，甜品櫃有啫喱，布甸，唔同款式嘅蛋糕仔，連乳酪同豆腐花都有齊。另一邊廂仲有唔同口味嘅雪糕
就算幾飽都好，見到有沖繩海鹽雪糕，我都忍唔住食咗一個。鹹鹹地又甜甜地，口感特別，相信大家一定鍾意食
總結來講，坐得舒服，價錢經濟，埋單仲有九折，喺觀塘想食一個有質素嘅半自助餐，呢度絕對係一個好選擇
Post
