齊柏林熱狗店 (旺角中心第一座) (Closed)

之前同朋友傾開食熱狗，佢就推薦左齊柏林比我話好好食。有日同另一個朋友路過齊柏林，咁點可能唔食呀！朋友嗌左一個美國洋蔥圈熱狗，而我就嗌左一個美式風情熱狗。朋友比我咬左一啖佢果個美國洋蔥圈熱狗，醬料不錯，熱狗套住洋蔥圈都幾創新，整體幾好食。基於我第一啖咬唔到佢個洋蔥圈，我再淨係咬左一啖個洋蔥圈。唔知係咪因為我地拎走去第二度食既關係，啲洋蔥圈有啲淋。但整體不錯既。至於我個美式風情熱狗，好少見人熱狗會用紐倫堡腸，更加少見人係熱狗度加菠蘿同千島醬。整體上好好食，雖然感覺上有啲似披住熱狗皮既pizza。整體不錯，下次要再試其他味！