Video
Read full review
2012-03-15
698 views
之前係d雜誌同團購網都有見到有介紹呢間餐廳，加上自己又係尖沙咀附近返工，所以之前都有上黎食過兩三次，但因為呢頭太多野食喇，就算覺得佢d野食環境都唔錯，都唔係成日上黎幫襯。反而今次見到佢做緊個午市推廣，38蚊有個Set Lunch，就同同事諗都唔諗就又再黎食喇!餐湯有羅宋湯同忌廉湯比我地揀，無話好特別。不過佢個餐湯有附送一片蒜蓉包比我地送湯，感覺都唔錯。而我就揀左羅宋湯，飲啖湯濕濕個口先無咁乾幾醒胃。主菜呢度個Lunch Menu每日都會唔同，都幾多野食，唔會成日食黎食去都係個d好易悶。佢每日有8款野食比我地揀，當中有3款係Special黎既，所以我地就決定一人叫一個，試曬佢個3款Special main course。我自己本身幾鐘意食天使麵，因為貪佢夠滑身，而係lunch time亦唔會經常見到有得食。d菌類清清地，加埋忌廉汁一齊煮，個味道好夾，食曬成個麵都唔會太濟。配合埋青椒、黃椒、紅椒、洋蔥一齊煮，感覺好有益健康，無咁漏。坊間好少聽到用燕麥煮落意粉度，係呢度就可以試到，而食落去個感覺都幾得意既，好似多左種d食家所講既’口感’。加埋d酸酸地既蕃茄肉醬同埋車厘茄，好惹味開胃，相當健康
餐湯
有羅宋湯同忌廉湯比我地揀，無話好特別。不過佢個餐湯有附送一片蒜蓉包比我地送湯，感覺都唔錯。而我就揀左羅宋湯，飲啖湯濕濕個口先無咁乾幾醒胃。
主菜
呢度個Lunch Menu每日都會唔同，都幾多野食，唔會成日食黎食去都係個d好易悶。佢每日有8款野食比我地揀，當中有3款係Special黎既，所以我地就決定一人叫一個，試曬佢個3款Special main course。
我自己本身幾鐘意食天使麵，因為貪佢夠滑身，而係lunch time亦唔會經常見到有得食。d菌類清清地，加埋忌廉汁一齊煮，個味道好夾，食曬成個麵都唔會太濟。配合埋青椒、黃椒、紅椒、洋蔥一齊煮，感覺好有益健康，無咁漏。
坊間好少聽到用燕麥煮落意粉度，係呢度就可以試到，而食落去個感覺都幾得意既，好似多左種d食家所講既’口感’。加埋d酸酸地既蕃茄肉醬同埋車厘茄，好惹味開胃，相當健康，所以我就最鐘意呢款主菜。不過食到最尾個時，個碟底就有d油，可能免冶肉醬難免都會出油掛。
我個朋友就力推呢款主菜，佢覺得塊雞扒同盧魚煎得好香，啱啱好脆但又唔會話太燶，呢點我都認同既，但可能本身我麻麻地蒜蓉同牛油，所以未至於超鐘意。個份量唔係話好大碟，所以我地就揀左意粉黎食，但如果細食既女仔，可能佢地食薯菜都OK。餐茶
個套餐亦都包埋餐茶，加15蚊仲可以嘆返杯紅酒或者白酒添，但係我地唔想係返工既時候飲酒，如果唔係既話仲正。不過我見到成間餐廳都貼滿哂9點前做緊啤酒買3送1，都幾抵，放工捉d朋友同同事黎掟鏢飲下野都好，relax下呀麻！
Post
