百味川 (Closed)

餐廳服務生態度，非常好，員工相處愉快，每個客人之間都相隔一米 距離， 餸菜上菜快速，點餐方便快速， 醫護人員更加有額外8折優惠，外賣亦都有九折優惠， 抗逆同行，的確是有社會道德責任的良心食肆。酸菜魚米線58蚊酸菜煮得比較耐，有點老的，酸味少，米線煮得軟身。麻辣魚淮山麵 58蚊免費轉淮山麵，所以揀咗淮山麵食，麻辣味都幾重，要食得辣先好叫， 鹹味比較重手， 淮山麵非常彈牙，同魚好夾。鹵水雞脾20蚊味道偏鹹，最好有埋白飯餸雞脾， 雞髀勁大分，啲肉都ok彈牙，整體抵食。麻辣手撕雞 32蚊雞絲分量多，配青瓜絲，四川口味口水雞風格。紅豆冰11蚊椰汁香，紅豆冰彈牙，爽口，紅豆煮到剛剛好， 解辣一流。熱紅棗茶 6蚊紅棗切片， 如果想甜啲可以撈下底嗰度嘅蜂蜜。