La BASE HK (Closed)

黎到先知道有$250一個人任食串燒，其實都幾抵。但因爲我地用第二個app book枱有5折優惠，所以就唔打算揀任食啦。d串燒都燒得幾好，肉類又唔會話燒得太熟，最鍾意蘑菇、茄子呢d燒完入面仲係好juicy既蔬菜，唯獨燒菠蘿普通左d(唔建議叫呢個)。Waiter既態度好好，聽完佢地講解先知原來呢度主打cocktail，係cocktail bar黎，所以我地都叫左幾杯cocktail。呢度d cocktail都幾特別，都會加一d中式既元素，但係調出黎個味道又幾好。Jujube O Fashioned酒味強烈，少少苦味又帶點甜，個味道調得岩岩好，唔會話偏重一邊。有朋友話要睇一間bar d cocktail好唔好飲，試下佢既old fashioned就得，哈哈。HK Tea Time香港奶茶咁出名，所以朋友就叫左呢杯由奶茶調製而成既cocktail啦。佢話味道都唔錯。另外值得一提既係呢度有board game玩，層層叠、波子棋呢D一般桌遊都有，所以好適合一班人黎。