.
明太子黃金醬焗鑊仔薯條 $68
首先用鑊仔上已經感覺良好！薯條係粗果隻，炸粉唔厚，食落會有一層薄脆的感覺，入面就軟綿綿，而且份量超多！重點係佢啲明太子醬，係超肥仔的口味，雖然好多醬，但我地食完時係完全點晒一滴都無淨。
.
原隻軟殼蟹卡邦尼 $138
成隻軟殼蟹喺上面超吸晴，隻蟹好好肉而且唔覺梅，食落去仲有汁流出嚟，完全唔會乾爭爭，份量好似成隻手掌咁大！下面卡邦尼係用左扁身意粉，口味比一般的卡邦尼更清爽，唔係好張好濃果款汁，配料有大量菇菇同煙肉，性價比超高，推薦必吃！
.
明太子岩鹽燒蟹棒貓耳朵 $138
呢個貓耳朵比較少見，好特別！雖然佢都係意粉質地，但佢形狀係有個dull 形，所以特別掛汁，岩晒我呢啲重口味人類。而呢個明太子醬汁同薯條又唔一樣，呢隻係比較creamy 啲，配埋岩鹽火灸燒嘅蟹棒同埋三文魚籽，口感超豐富，小朋友都岩食。
.
宇治抹茶芝士蛋糕 $58
呢個宇治抹茶芝士蛋糕質地比較實，用嘅係宇治抹茶粉，所以有少少甘，但唔會苦，係大人口味！
.
紅寶石巧克力草莓鮮奶 $68 及 白桃烏龍茶 $48
朋友仔點左杯紅寶石巧克力草莓鮮奶，一上枱靚到嚇親，忍唔住係咁影相打卡。味道方面我試左一啖，係士多啤梨朱古力果隻懷舊味道，但又唔會甜到漏，頂層仲有cream 同埋玫瑰花瓣，好味得嚟又好睇。我就點左杯白桃烏龍茶，茶包係台灣直送，味道有少少甘甜，岩晒食西餐可以解膩。
