Video
Read full review
2019-06-27
730 views
我特等開呢個AC，就係為咗寫呢篇嘢。如果你係諗住同同事一大班人AA制去食lunch，呢間嘢可能真係未必啱你。話說，今日同兩位同事一齊去食lunch。同事間食飯不嬲都係自己出自己嗰份，夾好條數先拎出去埋單。但係因爲呢間嘢落完單之後係唔會有單俾你，而我哋又唔知各自確實食咗幾多錢。所以我哋行埋去埋單嗰陣已經好有禮貌咁問佢：「唔該，請問可唔可以分開俾呀?」其實有啲餐廳係唔得嘅，嗰啲情況我哋通常都係一個人俾晒，返去先拎返張單慢慢計。跟住個收銀答：「而家可以，平時繁忙時間唔俾㗎。」(塊面已經黑黑地)我哋：「好啊唔該晒！」(咁又真係我哋俾多嘢人做，係幾唔好意思嘅)然後佢就開始嚟料啦！佢面前擺咗6-7張單，佢望住啲單問：「你哋食咩㗎！」(西面加冇尾音)我：「兩個D餐同一個豚肉飯。」(心諗你望住我哋起身行過嚟㗎wor...啲單冇枱號㗎咩)佢(搵到張單之後，繼續西面)：「42。」我(喺佢搵到張單之前已經見到我哋張單同見到2個餐係84)：「我係42呀。」佢(西面)：「凍飲加兩蚊wor！」我(努力忍耐)：「咁我44呀。」佢岳高頭，白咗我一眼：「即係你44。」我啲火開始燒上腦喇：「唔緊要啦我哋一次過俾啦！Tot
話說，今日同兩位同事一齊去食lunch。同事間食飯不嬲都係自己出自己嗰份，夾好條數先拎出去埋單。但係因爲呢間嘢落完單之後係唔會有單俾你，而我哋又唔知各自確實食咗幾多錢。所以我哋行埋去埋單嗰陣已經好有禮貌咁問佢：「唔該，請問可唔可以分開俾呀?」其實有啲餐廳係唔得嘅，嗰啲情況我哋通常都係一個人俾晒，返去先拎返張單慢慢計。
跟住個收銀答：「而家可以，平時繁忙時間唔俾㗎。」(塊面已經黑黑地)
我哋：「好啊唔該晒！」(咁又真係我哋俾多嘢人做，係幾唔好意思嘅)
然後佢就開始嚟料啦！佢面前擺咗6-7張單，佢望住啲單問：「你哋食咩㗎！」(西面加冇尾音)
我：「兩個D餐同一個豚肉飯。」(心諗你望住我哋起身行過嚟㗎wor...啲單冇枱號㗎咩)
佢(搵到張單之後，繼續西面)：「42。」
我(喺佢搵到張單之前已經見到我哋張單同見到2個餐係84)：「我係42呀。」
佢(西面)：「凍飲加兩蚊wor！」
我(努力忍耐)：「咁我44呀。」
佢岳高頭，白咗我一眼：「即係你44。」
我啲火開始燒上腦喇：「唔緊要啦我哋一次過俾啦！Total幾多呀！」
佢(繼續西面同冇尾音)：「百四。」
我擺低錢拎返單就即刻走，呢啲究竟係乜嘢態度呀！
請問各位，一張咁嘅單有幾難計呀？點解你做收銀個腦可以轉得咁慢呀？其實我唔係介意你唔可以逐個俾呀！
1.你唔想逐個收你咪話唔得囉！一句已經搞掂啦，講咁多說話嚟腰潤個客做乜？
2.你哋可以逐個收，但係你唔想逐個計，咁你就print多張單擺客人枱頭，等佢哋自己慢慢計飽佢先一次過拎去埋單囉！你又要慳嗰幾張熱感紙！
3.如果個個去到cashier都要復述一次我食咗啲乜，咁好彩我哋係三條友去食啫，如果八九條友去食，哇咁咪好似以前麥當當玩急口令咁好玩？！
總之，呢間嘢我係唔會再返轉頭。睇裝修，以爲係工業區入面少有嘅高級西餐廳，但其實只是扮高級嘅茶記。
Post
