北海道爐端 (Closed)

最近多咗自己一個人去搵食，今晚喺荔枝角收工，度到去地鐵站，順便上去D2 Place 打個轉。見到間居酒屋，諗起以前睇日劇的情節，啲主角唔開心會獨自去居酒屋化悲憤為食欲。雖然今晚嘅心情未至於悲憤，但總是覺得唔多開心，所以扮番一晚主角，滿足下食欲，可能會好過一點。無叫Sake飲呀，驚飲大咗無人理，盞搞，所以都係飲黑加侖子橙汁。甜甜酸酸，酸微微嘅味道就正正反映出我個心情。今晚主打食魚，叫咗油甘魚刺身、鹽燒三文魚腩、燒多春魚和鹽燒花魚鹽燒花魚燒得幾靚，金黃色而且帶少少鹽燒花魚燶，所以零舍香。肉質較結實，燒得略為乾身，鹽香滲到魚肉內，近骨的位置最好食。鹽燒三文魚腩都係鹽燒，所以味道鹹鹹香香的。相比燒花魚，三文魚腩多了一份油脂香。燒多春魚香香脆脆的，可以將整條魚一次過食，內裡的魚春香味在口腔內爆發，唔講得笑。油甘魚刺身本來諗住刺身會先上的，原來好戲在後頭。件件厚切，新鮮肥味，入口即溶，超好味! 心情當堂好番晒。