文華雞飯(新加坡)

Open Now

Now Closed

朋友介紹*文華雞飯*係大角咀一間人氣星馬餐廳，水準拍得住酒店級。餐廳主打正宗新加坡味道，老闆堅持用無激素雞，每朝新鮮自製三色醬汁，連燒雞都係自己燒，誠意十足，吸引咗唔少街坊同食家專程嚟幫襯。最受歡迎嘅一定係*海南雞飯*。雞肉選用無激素雞，肉質嫩滑，雞皮薄而不膩，唔會好似出面食既海南雞咁，雞皮同雞肉中間有一層透明油脂，雞油飯粒粒分明又香口。三色醬汁（薑蓉、辣椒醬、豉油）每日新鮮製作，配埋雞肉一齊食，層次感即時提升，真係有返新加坡食海南雞飯嘅感覺。好多熟客都話，呢度嘅海南雞飯食落好健康，唔會有油膩感，食完都唔覺滯。至於*燒雞飯*，又叫做黑飯，原本以為係港式燒味嗰種燒雞，但經過老闆細心介紹先知，原來新加坡燒雞係用海南雞去燒，做法唔同。雞肉先用獨門醃料醃過，再用高溫焗燒，雞皮變得香脆，肉質依然保持嫩滑，入晒味之餘又唔會乾身。成品比起傳統港式燒雞更有層次，香味突出，配埋油飯一齊食，真係令人一試難忘。另外，*藥膳肉骨茶*都好受歡迎。湯底用多款藥材同胡椒熬製，味道濃郁，入口暖胃，配料足料，啱晒香港人鍾意飲熱湯嘅口味。食完雞飯再飲返碗肉骨茶，感覺好滋補，聽講飲完都會好訓d，個人都會健康d。最後推介*牛