山下菓子 (T.O.P This is Our Place) (Renamed) View

上星期六在山竹未打到嚟之前，我約了榴槤妹一齊去旺角TOP商場食個下午茶，榴槤妹喜歡 Monchhichi 所以我哋去“山下菓子” tea 一tea。我因為冇食lunch，而且見到如order拉麵套餐就可送你 Monchhichi 牛奶玻璃樽及杯墊一個，又幾好喎，有得食仲有禮物，我就叫了九州叉燒豬骨湯拉麵，配上抹茶紅豆沙。味道都算ok, 沒有什麼特別驚喜，不過不失啦。至於榴槤妹佢就食原味梳乎厘班戟及一杯山下水果茶， 梳乎厘賣相好cute呀，有 monchhichi肖像的，味道還可以，合格啦。山下水果茶大大杯，而且生果勁多，好fresh喎。餐廳擺設全是配合monchhichi為主題， 相當可愛，是迷妹打卡必到的好地方。