上年試過天后果間滾得棧, 湯底同配料都唔錯, 今次就近近地去油麻地呢間分店
「養生松茸八寶雞」
腐皮包住雞, 竹笙, 松茸等食材, 配雞湯湯底
就咁飲已經好鮮甜!
叫左兩款牛肉, 抵食d既有手切牛頸脊
脂肪比例非常好, 唔會太肥, 肉味比較重
另一款幾令我地驚喜既係牛眼筋, 好少聽到有呢個部位
店員提醒我地最少要煮15分鐘!
煮完之後食落感覺爽口, 最重要係油 香 味 超 級 豐 富 ! !
石蚌刺身偏向爽口而且鮮甜, 仲可以加埋落湯底到煮熟黎食
店員話最後可以拎去椒鹽, 不過我地最後太飽, 唯有下次再試!
象拔蚌丸都係驚喜之作! 味道鮮甜
而且呢個份量亦可以比我地呢d人唔多, 但又想食象拔蚌刺身既人止下渴
但味道絕對唔輸蝕!
整體黎講, 配料新鮮有驚喜
湯底鮮甜但唔會搶左配料既原味
