Video
Read full review
2021-06-09
616 views
經常佐敦附近搵食嘅我，通常食魚蛋粉、米線、咖哩飯之類～竟然比我搵到呢間咁好食嘅火鍋店啦～呢間叫打邊爐得佐敦一間～好多食材都係用心自家製，用料新鮮～｜黃金炸魚皮｜打邊爐必點之一，可以即食又可以放湯～上面舖滿咸蛋黃，熱辣辣又鬆脆，超正～！｜鮮椰青雞鍋｜呢個鍋有驚喜，侍應會即場係你面前煮，炒下雞件再用酒、火爆一爆佢，視覺打卡一流，再落新鮮椰肉，雞件質感嫩滑，火鍋先都要飲啖肉滋補下先～簡單五個字形容就係「色香味俱全」！～｜日式櫻花牛肉｜可以有兩種食法，一係刺身二係放湯，我從未食過牛肉刺身，估唔到食落咁軟滑可口，蘸洋蔥汁辣味帶點刺激，好正！花紋好靚好平均，靚牛果然係靚牛～｜釀流心蝦丸｜蝦丸彈牙已經令我好驚喜，餡料仲爆流沙蛋黃，好味到不得了～｜手打梅菜豬肉丸｜手打肉丸比平時食到嘅肉餅更彈牙，咸香梅菜配豬肉，呢個配搭邊有得輸～｜西洋菜帶子餃子｜皮薄、餡料多到直程快爆餡啦，中間仲有帶子所以特別鮮～｜廣島蠔｜一盤有8大隻，每隻都肥嘟嘟漲卜卜～｜雜菜盆｜有娃娃菜、西洋菜同生菜～份量好多，好翠綠新鮮～｜檸檬薏米｜竹蔗矛根｜飲品當然揀自家製作嘅清新飲品啦～檸檬薏米甜甜酸酸可以消滯又去濕～竹遮矛根就可以清熱消暑
通常食魚蛋粉、米線、咖哩飯之類～
竟然比我搵到呢間咁好食嘅火鍋店啦～
呢間叫打邊爐得佐敦一間～
好多食材都係用心自家製，用料新鮮～
｜黃金炸魚皮｜
打邊爐必點之一，可以即食又可以放湯～
上面舖滿咸蛋黃，熱辣辣又鬆脆，超正～！
｜鮮椰青雞鍋｜
呢個鍋有驚喜，侍應會即場係你面前煮，
炒下雞件再用酒、火爆一爆佢，視覺打卡一流，
再落新鮮椰肉，雞件質感嫩滑，
火鍋先都要飲啖肉滋補下先～
簡單五個字形容就係「色香味俱全」！～
｜日式櫻花牛肉｜
可以有兩種食法，一係刺身二係放湯，
我從未食過牛肉刺身，估唔到食落咁軟滑可口，
蘸洋蔥汁辣味帶點刺激，好正！
花紋好靚好平均，靚牛果然係靚牛～
｜釀流心蝦丸｜
蝦丸彈牙已經令我好驚喜，
餡料仲爆流沙蛋黃，好味到不得了～
｜手打梅菜豬肉丸｜
手打肉丸比平時食到嘅肉餅更彈牙，
咸香梅菜配豬肉，呢個配搭邊有得輸～
｜西洋菜帶子餃子｜
皮薄、餡料多到直程快爆餡啦，
中間仲有帶子所以特別鮮～
｜廣島蠔｜
一盤有8大隻，每隻都肥嘟嘟漲卜卜～
｜雜菜盆｜
有娃娃菜、西洋菜同生菜～
份量好多，好翠綠新鮮～
｜檸檬薏米｜竹蔗矛根｜
飲品當然揀自家製作嘅清新飲品啦～
檸檬薏米甜甜酸酸可以消滯又去濕～
竹遮矛根就可以清熱消暑，解渴～
Post
