牛大人台灣火鍋吃到飽 (瓊華中心) (Moved) New Location

食咗牛大人咁多次都覺得性價比非常之高！嗰日同朋友食飯5:00入座，食兩個鐘時間一啲都唔覺趕。淨係講佢嘅環境同攞食物嘅地方，即使開業咗咁耐都保持到乾淨坐得又舒服。而出面嘅自助區，例如飲品同蔬菜、丸類，款式方面都幾多，而且擺放得都幾整齊。醬料方面亦都見到佢哋又多咗唔少選擇，亦都有自家調配嘅醬汁。當日上碟同收碟非常快，員工亦都非常有禮貌。肉類方面唔會有未解凍嘅情況，每塊肉都唔會好薄身，食落去非常有口感。而當日我哋叫咗嘅養生濃湯鍋，入面都唔少人蔘，湯底非常足料！而佢哋嘅花膠非常值得點黎食，夠晒厚身而且質素一啲都唔差！而佢哋嘅蟹墨魚漿每次嚟到必點！夠晒彈牙，出面好少食到！