Be Leaf (Closed)

傳聞呢間店好多人好靚又好味，咁岩路過就決定黎試下佢既真實性，舖頭係觀塘向藍田方向街尾位置，同繁忙既開源道形式一個對比，呢邊外面都係有馬路，但路過既車輛好少，算係繁華鬧巿中既小地方，漫步行到去佢門面，聲稱以峇里島度假風格設計既裝修果然有啲料到，外面睇已經踏入左聖誕節既氣氛，據聞佢地每一個唔同節日都會重新裝飾過，務求另客人有不同既感覺，睇返啲相，佢地Halloween真係有唔同，如果女仔黎打咭，的確係可以一黎再黎!七彩香烤魚柳伴夏日鮮果配紅Curry+日式珍珠飯，菠蘿係燒過的，甜味適中，撈埋個魚柳同咖喱汁感覺特別出眾，魚柳烤得恰到好處，唔會太燶太老，算係幾好味，另一個人氣梳乎厘，我個人鍾意食甜野，但又怕肥唔鍾意太甜，呢個梳乎厘就幫到我了，即使係焦糖味，入口都唔覺得佢太甜，係岩岩好既感覺！