茶聊 (Closed)

成日都聽朋友提起哩間餐廳，話有得打卡，食物質素亦唔錯，今日終於得閒去試一試。一踏入餐廳就見到朋友講既打卡位👉🏻搶眼既紅色電話亭、指示牌同郵筒📮今次揀左坐窗口位，座位上有提供酒精搓手液👍🏻因為我地都唔係好肚餓既關係，所以就揀左個沙律同埋一個意大利飯，另外仲點左朋友推介既髒髒黑糖珍珠鮮奶。🎈藜麥大蝦牛油果沙律配百香汁🥗 $108沙律好大份，有新鮮爽脆既沙律菜、大隻彈牙既大蝦、酸酸甜甜既柚子同埋幼滑味濃既牛油果蓉🥑牛油果蓉真係超好味😋另外仲有好多藜麥同車厘茄，澆上百香汁後，味道酸甜開胃，真係健康之選👍🏻🎈檸檬牛油北海道帶子燴忌廉芝士意大利飯 $98意大利飯粒粒分明，creamy好味，而且裏面仲加上青椒粒、黃椒粒等，令口感更豐富，飯上面有三粒帶子，帶子味道較濃，入口肉質亦彈牙。🎈髒髒黑糖珍珠鮮奶 加$9哩杯飲品打卡真係一流📸️😆入口鮮奶味好重，記得一定要攪勻，攪勻之後就會飲到可可既味道，珍珠煙韌好咬，而且唔會太甜。🎈四季春芝士奶蓋 加$14四季春味道清新，芝士奶蓋奶味香濃，都幾好飲。整體黎講，哩間餐廳有打卡位，食物質素亦唔錯，的確好岩同朋友黎傾偈食飯。