占士包點 (Closed)

經過呢間舖頭，見到food court竟然有咁精緻嘅點心，二話不說叫咗一個點心拼盤套餐同埋荷葉飯餐試吓。點心拼盤$68有齊五款點心，賣商超級精緻，絕對係打卡之選。黑金鮮蝦餃相當飽滿，啖啖爽口蝦肉。原隻鮑魚燒賣賣相矜貴，主要係豬肉加蝦嘅餡料，都幾爽口。黑松露野菌蒸餃比一般的大隻，淡淡的黑松露香氣同埋菇菌香味，幾清新爽口。黑金流沙包熱辣辣，麵包鬆軟，流心奶黃令人無法抗拒。中間嗰粒叫小小香脆楊梅球，賣相精緻，成粒荔枝咁，其實係類似煎堆嘅煙韌小球，中間有流心奶黃，算係小甜點。蒜汁蒸香蝦飯$68蒜蓉蒸蝦香氣撲鼻，蝦嘅鮮味同埋蒜蓉嘅惹味全部滲入飯粒之中，荷葉飯充滿淡淡的荷葉香味，再加入蔥粒同埋金菇段，撈上甜豉油，好好味。