Green Waffle Diner (形點) (Closed)

去元朗玩同行街到夜晚緊係要搵食，之前係商場經過見到呢間餐廳環境同menu都幾吸引咁就試下，成個setting好綠色好似大自然既感覺，坐門口位幾正可以同朋友自成一角。我地散叫左幾樣主菜同小食，首先美式咸牛肉三文治幾惹味，麵包烘得微脆似多士，餡料好足，咸牛肉層好厚，搭配酸酸的千島醬，好味道，仲有啲黑醋沙律做伴碟，蔬菜都幾新鮮～煙肉芝士忌廉意大利飯好creamy，醬汁好足夠，所以每啖都有濃郁既芝士味，仲有雜菌同洋蔥等唔同食材所以口感比較豐富，芝士通粉都好好味，拉芝效果好正！