Pancake 專門

Open Now

Now Closed

銅鑼灣呢間班戟專門店主打日式pancake同主食，木調裝修簡潔但好舒服😌最吸睛係窗邊位置有一棵小樹，到訪當日紅雨，竟然見到樹上掛住一隻隻晴天公仔，好窩心🥺🔸 紫薯 Mont Blanc班戟店舖以日本空運食材製作班戟，其中呢款蒙布朗就係必食之選！班戟外層鋪滿一絲絲紫薯蓉，打卡靚之餘口感好幼滑好濃郁☺️每款mont blanc可以選擇班戟同雪糕口味，今次揀咗原味班戟配焙茶雪糕：班戟比較厚實有蛋香，焙茶雪糕就驚喜地茶味濃郁，就咁食已經好正🤤🔸 R2E2芒果班戟唔Google都唔知原來R2E2係一款又大又圓嘅芒果品種，果肉清甜多汁，配埋綿密班戟、天然芒果醬同埋忌廉，係一個穩陣配搭！不過呢一個size細少少，肚餓就揀mont blanc啦😂🔸焙茶富士山、抹茶富士山飲品賣相好靚，店員教我地先品嚐表層400次奶蓋，茶味濃郁而且口感醇厚😍跟住再充分攪拌將兩層混合一齊飲，就會成為比較清新既奶香，好飲！