Ukiyo

Open Now

Now Closed

餐廳裝潢俾人一種好寫意慢活既感覺，環境開揚，座位望住落地玻璃外既景色，自然光映入餐廳，好舒服。餐牌上有多款主食、ADB、輕食、麻糬窩夫、小甜點等，想食飽/嘆，都無任歡迎。慢煮雞胸肉全日早餐($168)，日式style既全日早餐。慢煮後，雞胸肉嫩唔‘鞋’。椰菜花米營養豐富，幾款漬物中，以蒿頭漬最為特別，口感清爽脆口。酸酸甜甜開胃。驚喜位味噌jelly，夠新穎，好似分子料理，將味噌味道製成啫喱。第一啖食比較難接受，因為平時啫喱俾人既感覺係帶甜，但今次係鹹味，但食落好新奇，塊狀既味噌係口中慢慢融化。好創新。日式明太子忌廉汁配香煎帶子花枝圈手工意大利長通粉($188)，手工長通粉厚身，掛汁一流。醬汁完全好輕盈，唔膩。帶子嫩滑，花枝圈軟身，配搭惹味明太子，仲有碎芝士片。好飽肚。自家製明太子蟹餅($98)，蟹肉甜，外皮超脆，炸粉勁薄，完全唔油膩。蟹餅形狀有點不規則～，配搭明太子醬更鮮。最最最深得人心，就係香橙伯爵開心果麻糬窩夫。窩夫漿混入伯爵茶，所以啖啖窩夫都充滿濃郁既茶味，而且鬆軟，厚塊有口感。雪糕有碎碎開心果粒，配搭香橙果凍粒，好fresh。餅乾碎亦增加口感。食哂全份窩夫，冇難道，大推。每款窩