茶樂 (Closed)

平時我都好鍾意飲珍珠奶茶，茶樂成日經過油麻地都見到，都未試過。今日咁啱一大班朋友去到油麻地食完飯，想食啲甜品就大家一齊嚟試吓。我就揀咗抹茶味，因為我怕肥所以揀咗走甜，好似呢度嘅珍珠係比較唔同，顏色方面好似琥珀咁樣唔係黑色，好似我抹茶嗰一杯嘅珍珠就係粉紅色啦。朋友都揀咗個芋頭味，之前喺大陸飲喜茶飲過芋泥波波，對芋頭味嘅珍珠奶茶念念不忘，呢度嘅芋頭珍珠奶茶芋頭味比較淡奶味比較濃，會飲到一粒粒嘅芋頭粒。