古今二 (The ONE)

Open Now

Now Closed

尖沙咀依間「古今二」嘅自家製卷物真係好啱打卡，仲有好多款特色串燒可以喺度食到。*此餐廳收取加一服務費。火山（單點$128），連埋火盤上菜，非常有火山嘅Feel，表面鋪滿蟹柳、蟹籽、沙律醬、醬汁，壽司卷物內有蟹柳、牛油果、青瓜，略嫌帶子欠奉、牛油果、青瓜份量少。超級龍卷風（單點$98），表面鋪滿脆片、醬汁，鰻魚肉質肥美，食落充滿蒲燒醬汁味道，海老口感外酥脆內彈牙，味道鮮甜，忌廉芝士口感Creamy，配料包括有青瓜、食用花、苦菊、櫻桃蘿蔔。自家製玉子燒6件（單點$55），表面鋪滿蟹籽、自家製醬汁、美乃滋，玉子食落好Juicy，甜度適中。鹿兒島豚肉露筍（單點$45），表面鋪有自醬汁，味道甜鹹，露筍口感爽脆。鹿兒島黑豚荔枝卷串燒（單點$32），黑豚肉肉質嫩滑，肉味濃厚，食落帶有焦香味道，配以荔枝食用，味道清爽。