MONMONO (Closed)

最近好多人介紹「Monmono」呢間日法fusion藝術餐酒館。我都同朋友去咗見識下。餐廳好高檔有好多打卡位，我最鍾意佢哋放喺當眼處嘅藍色車。炸薯條 $48炸薯條熱辣辣好好味，夠粗同埋外脆內軟，五十蚊唔使份量都幾大。有黑松露沙律醬同埋烤蒜沙律醬可以揀，我地要咗黑松露醬，味道濃郁。法式香煎春雞（半隻）$228雞髀肉超級滑，其他位都唔係好鞋。佢哋用咗黑松露薯蓉泡沫加黑橄欖水瓜柳白酒汁，味道淡淡地唔會蓋過雞味。用咗啲蔥一齊煎，更香口。Rainy day $88呢個係芝麻慕絲蛋糕，好似一舊雲加啲雨水咁，設計十分可愛同有意思。舊雲有啲乳酪味，又唔係死甜。仲有啲花生碎，隔住隔住食口感豐富。Summer $58夏天就要飲Summer，夠解渴！藍同黃嘅漸變色靚，其實係柚子梳打加啲鹽，味道獨特。