為食龍 (Closed)

同事一直都好想去呢間Hungry Dino打卡, 今日難得搞完活動, 當然要出去慶祝一下<明太子燒玉子(左)及芝士蟹子厚燒玉子(右)>打卡還打卡, 填飽個肚先有力影相嫁嘛Hungry Dino嘅招牌係腐皮壽司, 而且係單件咁嗌嘅大食妹同同事好鍾意燒玉子, 於是分別嗌左明太子燒玉子同芝士蟹子厚燒玉子燒玉子食落濕濕地甜甜地, 上面有一塊半溶嘅車打芝士大食妹覺得明太子比起蟹子口味更好味, 有少少辣辣地<腐皮壽司>除左玉子燒外, 我哋仲食左其他生嘅腐皮壽司由左至左分別係: 芝士蛋黃三文魚、牛油蒜香赤蝦、黑松露帶子同海膽三文魚子大食妹特別推介牛油蒜香赤蝦, 蝦肉半生半熟超彈牙, 牛油蒜香仲要好突出添海膽三文魚子都好新鮮, 可以一戰<炸物拼盤>如果大家想要驚喜, 就一定要試吓呢份別具特色嘅炸物拼盤炸物食材好特別, 有牛仔粒、蘋果、薯仔、忌廉三文魚、流心蛋同鰻魚, 唔知點解好少人叫, 但大食妹覺得創意同味道都唔錯<奶蓋白玉烏龍>最後嗌杯大熱嘅奶蓋白玉烏龍同事覺得味道偏淡, 但大食妹就覺得啱啱好奶蓋幾濃滑