Shibui 洋食屋 (Closed)

Shibui 洋食屋打卡九龍城日本昭和風洋食屋是日放假，去到九龍城呢一帶搵食，侯王道呢一帶都有好多特色小店，我就比其中呢一間日式懷舊風格嘅餐廳吸引咗喇！餐廳入面用上昭和年代感嘅裝修風格，好復古同懷舊，細緻到牆上嘅裝飾，餐桌上嘅一杯一碟，令人恍如置身條舊日本嘅錯覺。澳洲M7和牛肉眼 $198厚切M7和牛肉眼，煎到外焦內軟，肉汁鎖住係牛肉入面，入口香氣十足，配埋燒汁，馬鈴薯，迷你甘荀，粟米仔，秋葵等配菜點綴，賣相精美之餘又好食。蟹膏蟹肉扁意粉 $138用上蟹膏，蟹肉，蟹肉濃湯，有車厘茄同芝麻菜做伴菜，面頭有蟹泡，意粉爽口彈牙，鮮味蟹肉撈埋扁意粉食味道唔錯！😋昭和布丁 $48布甸賣相經典！布甸蛋香濃郁，又唔會話好甜。Red Fuji $58洛神花茶，玫瑰，蘋果醋嘅組合，賣相都好靚，打卡一流，味道唔錯之餘又養生。菠洱梳打 $58由菠蘿、陳皮、普洱、紀州南高梅加入梳打調製而成，味道好特別，飲時會有陳皮香氣，味道清新，很有趣的組合。當日餐廳一開門我地已經入座，剛坐左底無幾耐已經陸續有人入嚟，好快爆滿！建議想食可以先行訂位或者早D 黎啊。九龍城侯王道22號地舖