西塘花記 (Closed)

睇雜誌介紹，正好週六中午去銅鑼灣一試，店鋪不算太大，文青裝修，好有少女feel , 同閨蜜打卡一流～水餃賣相好靚，色彩鮮豔，直擊少女心！點左招牌五色水餃同七彩嘅雨花石水餃，較特別係配左個酸酸哋開胃嘅蒜泥汁，但水餃除左靚之外，味道只係中規中矩，無咩特別好食，對於一向愛食水餃嘅我有點失望另加餐叫左個菇麵，基本上好齋真係兩條菇同上海麵，較清淡，加左辣會有味d，呢度嘅辣係中辣，唔係一般餃子嘅豆瓣醬，但個辣亦普普通通交下貨咁，無甚特別。餐牌可以叫嘅食物亦唔多，價錢亦偏貴，總括屬可一試餐廳，但個人而言就未必會再試喇。