環境：環境不錯，枱凳古色古香，有部分點心要自己攞卡到點心台自取，有部分用推車仔推銷，亦有部分點心即叫即煮（如：豬膶燒賣，灌湯餃等），茶樓也提供其他小菜，蒸魚，燒味等。
薑汁糕：薑汁味不濃不淡亦不甜，咬落彈口，有一層薄薄的薑汁味。
金錢肚：夠淋，份量Ok。
糯米雞：普普通通，糯米嗰人覺得偏硬，餡料一般。
蝦腸：有韭黃，蝦夠新鮮，腸粉也算滑。
鵪鶉蛋燒賣：味道一般，不過不失。
碗仔翅：普通。
金瑤芙蓉飯：普通炒飯。
灌湯餃：灌湯餃餡料內的肉碎較靭，整體味道一般。
服務員工作態度良好，經理有禮。茶樓都幾爆，訂左中午一點鐘，到步都要等10分鐘左右，訂位只係優先處理一樣要排隊，但如果肯搭枱，當有位時就可即入。
總括：個人覺得食物質數一般，價錢性價比唔高，但打卡一流，試一次OK的，唔知對面海嗰間，食物味道會不會不同呢？😅
