彤粵菜小館 (Closed)

今日聽聞尖沙嘴彤粵小菜館，裝修環境好靚，主要係走中式風，利用好多屏風做設計，令到客人有種享受環境之餘總有美食加持。而且中式裝修風格唔會老土，反而帶來驚喜。首先試下花膠燉螺頭$158，花膠含豐富蛋白質，能補充骨膠原，響螺滋陰補腎，完全適合上班一族滋補下。啖啖膠質係個口度，非常濃密。而且成個湯好清，唔油膩。小食黃金炸魚皮 ，好少見魚皮呢個小食，每一塊魚皮都比鹹蛋黃包住，鹹香鹹蛋黃配上炸魚皮，非常惹味。總有七味豆腐粒，個豆腐外層炸得非常鬆脆，外皮酥脆加上裡面嫩滑，同埋撒上七味粉，非常惹味。 總有總有個蟹肉銀絲煲 $248，蟹肉同粉絲份量都好足夠，粉絲唔硬，好軟糯，加上粉絲吸收左蟹肉味。令到粉絲好鮮甜。加上薑蔥配搭。令到個菜式非常香口。不論環境定菜式都非常令人驚喜。